Эксперыментальны шрыфт “Вязьмо” даследуе эстэтычную і містычную складовыя беларускіх літар, спрабуе намацаць мяжу, на якой знак пачынае разрастацца ў абстрактны ўзор, але яшчэ захоўвае сваю першасную архітэктуру і сэнс.
Вязьмы прысвечаныя трывожнай сувязі з магутнымі полюсамі радавода — бабулямі.
“В Я З Ь М О” не толькі пра любоў і памяць.
Яно таксама пра сузалежнасць,разгубленасць, супярэчлівы досвед, а найперш — пра гаючую сілу ўчаснага вандалізма.
Кожная літара вырабленая з пажыўшых век карункавых сурвэтак і змешчаная ў абдымкі гэткай жа немаладой рамкі.
Бабуліны сурвэткі — гэта вір памяці і згустак касмаганічнай энергіі. Але беларуская азбука абрывае ніткі і распорвае ўзоры, каб вызваліцца з карункавых туманоў мінулага. Вызваленая форма ахінае гэтыя туманы сабой і робіць іх сваім сэрцам.
Памяць немагчыма зберагчы, не параніўшы яе.
Бабуліны сурвэткі — гэта вір памяці і згустак касмаганічнай энергіі. Але беларуская азбука абрывае ніткі і распорвае ўзоры, каб вызваліцца з карункавых туманоў мінулага. Вызваленая форма ахінае гэтыя туманы сабой і робіць іх сваім сэрцам.
Памяць немагчыма зберагчы, не параніўшы яе.
. . . . . . . . . . . . . . . . . . . . . . . . . . . . . . . . .
К A В Я Р Н Я “ З Н О ”
з Паўлам Касцюкевічам
гісторыя стварэння “Вязьма”